hreysid.com

Og þá nokkrar jólamyndir

Guðjón H. — Sun, 04 Jan 2009 23:11:09 +0000

Nokkrar forjólamyndir úr ByTheWay

Guðjón H. — Tue, 23 Dec 2008 14:50:19 +0000

Ælan að láta undan, blautir seríoshringir að taka við

Guðjón H. — Mon, 22 Dec 2008 09:27:57 +0000

Nú hefur dúllan okkar verið ælandi frá aðfararnótt föstudags eða í fjórar nætur og þrjá daga. Ætli henni sé ekki að skána núna eftir langt og mikið ælustríð. Við höfum aldrei lent í öðru eins hér á þessu heimili. Yfirleitt hafa ælupestar klárast á einni nóttu með einni til þremur gusum en þetta sló öll met og vonandi fyrir fullt og allt. Fyrstu nóttina ældi hún á hálftíma fresti frá kl. hálf tvö til hálf sjö. Síðan gisnaði nú heldur bilið á milli en í staðinn urðu gusurnar öflugri og Emilía Ingibjörg lá eins og slytti eftir. Í gærkvköldi og nótt var hún svo með mikinn magakrampa en náði að halda vökvanum ofan í sér samt og í morgun hefur hún verið all hress og er farin að leika sér með seríos-hálfhringi. Nú gengur sem sagt í gang tímabil hinna blautu seríoshringja. Mér verður hugsað til Sveins Hólmkelssonar og skítugra sokka ákveðins leigjanda hjá foreldrum hans í början af nitti-talet.

Nú er að sjá hvort aðrir fjölskyldumeðlimir þurfa að ganga í gegnum sömu pesti og heimasætan. Ég óttast aðeins um sjálfan mig þegar þetta er skrifað. Maginn er frekar órólegur…

Engin jólakort í ár

Guðjón H. — Sun, 21 Dec 2008 15:38:49 +0000

En ég hef sett saman lítið afsökunarbréf handa öllum á listanum og er búinn að prenta í snarheitum út nöfn þeirra á umslög og á eftir ætlum við að keyra það út. Við vonum að fólk sýni þessu skilning.

Einstök útikerti til sölu

Guðjón H. — Sun, 30 Nov 2008 13:13:54 +0000

Kæru vinir, við höfum frábær útikerti til sölu frá Stóruvöllum í Bárðardal. Um er að ræða útikerti úr alíslenskri tólg sem brenna í a.m.k. 9 klukkstundir. Tvö í pakka á aðeins 999 krónur Lyktin af þeim er mögnuð: laufabrauð og kleinur og saltfiskur. Þess verður að geta að það eru þeir bræður Frímann og Ýmir sem eru að selja þetta í samvinnu við sundfélagið Óðinn.